Ebakuntza baten aurreko azterketak

63 urte eta osasuntsua den paziente bati, dentistak, inplanteak egin behar dizkiola eta, EKG, torax erradiografia eta analisia eskatu dizkio.
Harridura sortu digu eskaera honek eta, besteen artean, Up To Date-k, Ostebak eta Europako eta Kanadiako gidek zer dioten begiratzen aritu gara.
Aldakortasun handia dago gomendioen artean, txosten honetan ikusi daitekeen bezela .
Gehienek diote, kasu honetan, ebakuntza aurreko azterketarik ez dela egin behar, arrazoi hauek direla medio:
1.-Arrisku berezirik gabeko pazientea da (ASA 1)
2.-Arrisku baxuko ebakuntza da.
3.-Anestesia mota
Ostebak, ordea, ebakuntza mota kontuan ez du hartzen eta 60 urtetik gorakoen kasuan, analisia (Hb, Hto, kreatinina, gluzemia), EKG eta torax Rx egitea gomendatzen du.

K Bitaminarekin bueltaka.

 Duela bi aste Juanek 8ko INRa zuen, sintron hartzen du eta ez zuen  odol jariorik, egun hortako dosia ez hartzeko eta paperaren arabera tratamendua jarraitzeko esan genion. Zuzendu ondoren, ea beste doktoreak noizbait odoljarioa ekiditeko jarri zion Bitamina ez al genion eskeiniko galdetu zigun, eta duda  sortu zitzaigun, K Bitamina eman behar al diogu?

 Bilaketa egin ondoren   UpToDate, Chest , eta Pubmed en  erantzunak zentzu berean doaz, alegia, 4-9 arteko INRa eta odoljariorik gabekoek, ez dute  K bitaminarik behar, baldin eta  azenokumarol hartzen badu. Izan ere, azenokumarolen efektua warfarinarekin alderatuz motzagoa da (8-12ordukoa), beraz botika egun batean erretiratzearekin INRa zuzendu daiteke.  K Bitamina jartzeak  maila azpiterapeutikoetara eraman gaitzake gainera.

Warfarinarekin berriz  ez dago akordiorik  datu baseetan, batzuk ematearen alde, besteek aurka.

PROSTATAKO MINBIZIA ebakuntza bai ala ez?

Marrazkia hemengoa da

Fisterrako galdera kliniko sailean 2009an txosten hau argitaratu genuen non hau ondorioztatu genuen : prostatako minbiziaren baheketan ,PSA egitearen onuren eta kalteen arteko oreka ez da garbia .
PSA 4tik gora dutenen artean minbizia antzematen da batzuetan eta hauetatik %90ei ebakuntza egiten zaie . Ebakuntza egitearen aldeko onurak garbiak dira? Galdera honi erantzuteko Bill-Axelson 2011 eta Wilt 2012 ean argitaratuatako entsegu klinikoak aztertu ditugu.Ondorio kontraesanak azaltzen dituzte .1.ak alde eta 2.kontra .
Lehen arretan ez zaigu ea inoiz suertatuko erabaki hau hartzea baina bai komeni zaigu jakitea zer esaten den literaturan .Ongi etorriko zaizuelakoan ,hemen dituzue 2 ikerketa hauen azterketa kritikoa (Bill-Axelson ,Wilt)

Ez gabiltza alperkerietan eh?

Hemen gara   aspaldiko partez ....Oporrak , ordezkapenik ez ...beste eginkizunak... taldea biltzeko zailtasunakin gabiltza. Tira! ahaleginduko gara blogeko sarreren bat prestatzen !.
Ekainean SEMFYC-ek Bilbon antolatu zituen jardunaldiak eta bertan Bilaketa bibliografikoa egiten ikasteko tailerra ematea suertatu zitzaidan , Donostia Ospitaleko Liburuziana den Eukene Ansuategirekin  batera . Oso aberasgarria izan da  elkarlana, berak tresnak ondo menperatzen dituelako eta ni medikua izanaz ,ikuspegi klinikoa erantsi ahal  izan dudalako . Lotura honetan  erabilgarriak izan daitezken tresnak bilatu ditzakezue.
Marrazkia hemendik lortu dugu

BELAUNEKO ARTROSIA eta ARIKETAK

Kondromalaziak sortzen duen mina,ariketak eginez gutxitu genezakeen izan zen hasierako gure galdera .

Argazkia hemengoa da

Kondromalazia hitza bilatzerakoan Patellofemoral pain Syndrome –ra bideratu gaitu gehienetan  eta kasu hauentzako  Linchoten R-k 2009an argitaratutako entsegu klinikoak dio ariketa ikuskatuak eranginkorrak direla mina gutxitzen 3 eta 12 hilabetetan  baina ez erabateko sendaeran. Entsegu honetako paziente gehienak gazteak eta kirolariak ziren .

Lehen mailan jarduten dugunontzat sarritan, belauneko  kondromalazia  artrosiarekin lotuta dago eta ariketak egitea mesedegarri izan daitekeen ala ez galderari erantzuten dion Jansen-en 2011ako azterketa sistematikoaren irakurketa kritikoa egin dugu .

-          Kalitate aldetik ongi egina dagoela iruditu zaigu naiz eta heterogeneotasuna aztertzen ez den gehiegi saiatu .

-          12 entsegu kliniko bildu ditu , erdiak kalitate baxukoak.Jarraipena 3-12 hilabetekoa.

-          3 ariketa mota alderatu ditu :a) Kuadrizeps-aren indartzea

                                                      b) a+ariketa aerobikoa

                                                      c) b+ mobilizazio pasiboa

 EMAITZAK : 3 ariketa motarekin hobekuntza sumatu dute pazienteek (min gutxiago ),azkeneko aukerarekin gehienbat baina  ezberdintasuna ez da esanguratsua estatistikoki  (Aautoreak diote 3.aukera dela hoberena              (p <   0.03  ) baina  2.figuran ikusi dezakegu  konfidantza tarteak

gainjarri daitezkela

UROKULTIBOAREN DEFINIZIOA

Argazkia hemengoa da  

70 urteko Emakume bati ,fosfomizina hartu ondoren ,pixa egiterakoan zuen erretasuna   gutxitu baina desagertu ez  zitzaiolako urokultiboa eskatu nion .

Emaitzak dio E Coli 10000UFC/ml dituela eta Antibiograma egin didate .

Harritu egin nau honek eta  Up To date-n(1) begiratu dut : Sintomak eta  pixean leukozitoak  dituztenetan urokultiboa positiboa dela esan dezakegu UFC ≥ 10 ² / ml  dagoenean 

(1)DEFINITION OF A POSITIVE CULTURE — The standard definition of a positive urine culture is ≥10⁵ CFU/mL together with pyuria (eg, leukocyte count ≥10⁵ WBC/mL). Normal values in a noninfected midstream, clean-catch sample are <10⁵ colony-forming units (CFU, primarily due to contaminating Escherichia coli) and <10,000 leukocytes per mL of urine [3-7]. Contamination in the absence of UTI is typically suggested by high CFU counts without significant leukocyturia in a patient with no urinary tract symptoms such dysuria, frequency or fever.

However, this definition does not apply to all patients. If fecal contamination has been ruled out, a lower colony count (>10²/mL) may be indicative of UTI. This was best demonstrated in studies in women who had dysuria and frequency but a midstream culture contained less 10⁵ CFU/mL [1,8,9]. This condition had been called the acute urethral syndrome [1]. In one study, for example, 42 such women (most of whom had ≥10² CFU/mL on culture of a midstream specimen) who also had pyuria underwent suprapubic bladder aspiration. Thirty seven had a positive aspirate culture: 24 E. coli, 3 Staphylococcus saprophyticus, and 10 Chlamydia [1]. All of these women responded to appropriate antimicrobial therapy. In comparison, a positive culture was very uncommon in women with similar symptoms but no pyuria.On the basis of these findings, it has been suggested that a CFU count ≥10²/mL be considered positive on a midstream urine specimen in women with acute symptoms and pyuria. It has been estimated that 88 percent of such women have a UTI 

TRIMETAZIDINA eta BIHOTZA

marrazkia hemengoa da

Kardiologoak jarri berri dion Trimetazidina-ren eragina galdetu zidan orain dela egun batzuk , kardiopatia iskemikoa(angina egonkorra) duen paziente batek . Beste pilula bat hartzeko gogo gutxi zeukan alde batetik eta bestetik bera ongi sentitzen da..orduan zertarako erantsi 3pilula egunean (8 orduro baita!)

2005ean Ciapponi-k Cochrane azterketa sistematiko batean eragingorra zela zion ,baina entsegu luzeagoak behar zirela ere esaten zuen

Pub med-en topatu dugu Danchin N 2010ko metanalisia .Trimetazidinaz gain,angina aurkako diren beste botikak ere aztertzen ditu ,baina ez , bihotzeko maiztasunean eraginkorrak direnak (betablokeatzialeak, ez dihidropiridinikoak ,Ivabradina)

218 entsegu hartu ditu kontuan(trimetazidinarenak 25) ,erdiak cross-over diseinuarekin ;guztira 19.028pazientekin.4 aste(1-28)bataz besteko iraupena ;laginen tamaina txikia orokorrean (mediana 30) Trimetazidinaren dosi aldakorra 60-140mg/24orduro. Alderatzaile gisa Plazeboa eta beste antianginoso botikak. Heterogeneotasun handia (I2>%70)

Trimetazidina vs Plazebo

• ariketa fisikoa egiteko gaitasunean 46 segunduko hobekuntza
• 54 segunduko atzerapena angina nabari arte .
• Aste bateko angina kopuruaren gutxitzea : -1.95 (-2.88;-1)
• Aste batean erabilitako nitritoen kopurua gutxitzea -1.57(-2.44;-0.70)

Trimetazidina vs angina aurkako beste botikak(Nitratoak,Dihidropiridinakranozalina..)

Ezberdintasunik gabe .

Datuak hau diote .Emaitza hauek garrantzitsuak diren ala ez pazienteentzako beste kontu bat da ;beraiei galdetu beharko diegu.