Intsulina jartzerakoan, aldiro aldatu behar al dira orratzak ?

Bilaketa zabala egin ondoren, kontrajarriak diren txosten ugari topatu ditugu. Adituak, topaketa zientifikoetan (SITE Barcelona , Frid , ADA) orratzak berrerabiltzearen aurka azaldu dira baina, gure ustez, oinarri sendorik gabe .

Orain arte argitaratu diren 3 entsegu kliniko (Chantelau, Misnikova, Puder) aukeratu ditugu, orratzak behin edo gehiagotan erabiltzeak ondorio kaltegarriak (mina, infekzioa, lipodistrofia) sortzen ote dituen aztertzen dutelako eta entsegu klinikoa ikerketa aproposena delako galdera honi erantzuna emateko. Guztien azterketa kritikoa egin dugu eta kalitate baxuko metodologia dutenez, ezer gutxi lagundu digute galdera hau erantzuteko.

Bestalde, Straussen lan deskriptiboa ere aukeratu dugu, Europako 7 herrialdetako 1002 diabetikoen egoera ederki azaltzen duelako; beste datu askoren artean %59.6ek orratzak berrerabiltzeko ohitura dutela azaltzen du .

Gure egunerokotasunean, orratzak berrerabiltzea aholkatzen dugu ohituraz eta urtetan ez dugu arazo berezirik sumatu.

GOMENDIOA: Gaur egun ditugun probekin, ezin dugu intsulina orratzak berrerabiltzearen alde edo aurkako aholku sendorik eman, aurkitutako lanak ebidentzia kalitate baxukoak direlako. RECOMENDACIÓN : con los datos disponibles no podemos hacer una recomendación fuerte ni a favor ni en contra de reutilizar las agujas de insulina.

ONDESTE UKIPENA (tacto rectal) ezinbestekoa al da gernu aparatuko sintomak adierazten dituzten gizonezkoetan?

Marrazkia hemendik hartu dugu
Gernu aparatuko sintomagatik prostatako arazoaren susmoa dugun gizon baten aurrean nola jokatu aztertu dugu taldean .Gure artean aldakortasuna dagoela ikusi dugu ,baina orokorrean ondesteko ukipena egitea zaila iruditzen zaigu eta beste proba batekin (ekografía abdominala,,PSA,etab..) ordezkatu dezakegun begiratu dugu datu base ezberdinetan ,beti ere ,prostatako minbiziaren diagnosia bidean galdu gabe.
SEMFYC eta Urologoen elkarte zientifikoa egitearen aldekoak dira filmina hauetan azaltzen den algoritmo honetan ikusten den bezela . Ez dugu ea erreferentzirik topatu 2 mailako datu baseetan eta Medlinera jo behar izan dugu .
Azken honetan 5idazlan aukeratu ditugu baina 2-ren testu osoa ezin izan dugu lortu . Denak klinika espezializatuetan daude eginak eta honek , kanpo balioa gutxitzen du .Prostato minbiziren prebalentzia ezberdina dute .Guztiek akatsa berdina dute,hau da, URRE PROBA (Gold estándar) ez dute kasu guztietan aplikatzen ,ondorioz kalkulo guztiak “sesgatuak” daude.
Beste hiruren emaitzak taula honetan aurkituko dituzue laburtuta eta emaitza hauen arabera,PSA>4 badu gutxi gora behera ondesteko ukipenaren bezain besteko ,Sentikortasuna (S), Espezifikortasuna (E)Aurresate balio positiboa(CP+) eta negatiboa (CP-)

Zenbatero aldatu beharko litzateke iraupen luzeko maskuri zunda, hiru hilabetetik behin ala lehenago?

Iraupen luzeko maskuri zunda aldatzeko epeei buruzko iritzi desberdinak daudela ikusita eta bilaketa egin eta gero, preeviden bilatu dugu gure galderari dagokion erantzuna.
Ikerketa aproposena kasu honetan entsegu klinikoa izango litzake, baina topatu ez dugunez, adituek esandakoan oinarritu behar izan gara. Hau da gomendioa, zunda aldatu behar da:

1. Zunda egileek aholkatutako epeetan, normalki 12 astetik behin.

2. Lehenago, arazo klinikoak egonez gero.

Gernu zundaren mantenuak garbiketa berezirik behar al du?

Gure galdera egituratua:
P: Gernu zunda daraman pazientea
I: Meatuaren garbiketa antiseptikoa erabiliz (adib. Povidona)
C: Ohiko garbitasun pertsonala
O: Gernu infekzioak

Valentzian egindako gida batean, xaboi ura erabiltzea nahikoa dela dio Ingalaterran egindako azterketa sistematiko batean oinarriturik (epic2). Azken honek hartzen du erreferentzi gisa Burke-k egindako entsegu klinikoa. Gure zentroan, idazlan honen azterketa kritiko bat egin ondoren, kalitate baxukoa dela deritzogu, beraz, gomendio sendorik ezin diogu eman galdera honi,baina datuak meatuaren garbiketa berezirik ez egitearen alde dijoaz.
Bilaketa osatu nahi izan dugu gaur egun arte eta Huth-ek 92an argitaratutako kalitate oneko entsegu hau topatu dugu. Kasu honetan sulfadiazina argentikoa alderatu du ohiko garbitasunarekin eta ez du ere onurarik topatu.

ANTIIFLAMATORIO EZ ESTEROIDEOEK (AIEE) MENORRAGIA GUTXITZEKO ERAGIN MODERATUA DAUKATE.

Iritzi berakoak dira UP to DATE eta Clinical evidence , eta biek 2008 ko Cochrane Errebisio batera eramaten gaituzte.


AIEE-en artean ez dirudi alde nabarmenik dagoenik , nahiz eta Mefenamiko azidoa ikerketuena izan. Traxenamiko az. , danazola, eta Levonorgestrel duen Umetoki Barneko Gailua (UBG=DIU) eraginkorragoak dira. Hala ere ikerketak urriak eta botere estatistiko gutxikoak dira.

6 orduko muga egokia al da zauriak josteko garaian?

Orain arte zauri baten aurrean sei ordu pasaz gero ez josteko esan digute infekzio arriskuagatik. koorteko aurrikuspen ikerketa honek esaten du denbora ez dela faktore adierazgarria baina bai zauriaren kokapena (batez ere gorputz-enborrean eta hanketan), bere luzaera eta pertsonen adina.

Metformina eta B12 Bitamina

2010ean argitaratu eta metodologikoki ongi dagoen entsegu kliniko batek dio Metformina denbora luzean hartzen dutenen artean B12 Bitamina maila gutxitu egiten dela eta tarteka neurketak egitea merezi ote duen aipatzen dute ,gutxitze hori zuzuentzeko . Murtziako PREEVID zerbitzuak ederki laburtu du gai hau.